ប្រាសាទថ្មបាយក្អែក
ប្រាសាទនេះ ដូចនឹងប្រាសាទបី ហួសពីប្រាសាទបក្សីចាំក្រុងទៅបន្ដិចគេនឹងគេប្រាសាទមួយដែលបច្ចុប្បន្ននៅសល់តែស៊ុមទ្វារ និងផ្ដែរ។ មានលិង្គមួយនៅសេសសល់នៅកណ្ដាលតួប្រាសាទ តែគ្មានឃើញបំបែកទម្រងយោនីនោះទេ។ គេគិតថា ប្រាសាទនេះអាចជាតួប៉មមួយនៃតួប៉មរាប់រយដែលព័ទ្ធពាសជុំវិញភ្នំបាខែង (នៅលើភ្នំបាខែង មានតួប៉មរហូតដល់ទៅ១០៨)។ ដូច្នេះប្រាកដនេះ វាស្ថិតនៅក្នុងរចនាបថបាខែង ក្រោមការបញ្ជាសាងសង់នៃព្រះបាទយសោវរ្ម័នទី១ ដូចប្រាសាទបីដែរ។
នៅទីនេះផងដែរ គេបានរកឃើញមាសសន្លឹក៥សន្លឹក តម្រៀបជារាង Quincunx (តម្រៀបជារាងកាកបាទ ដោយមានវត្ថុ១នៅកណ្ដាល និងវត្ថុបួនទៀតនៅអមសងខាង លើក្រោម) ដែលសន្លឹកមាសកណ្ដាលមានឆ្លាក់ជារូបគោនន្ទិ ដែលជាជំនិះនៃព្រះឥសូរ។ មកជាប់នៅផ្លូវទៅអង្គរធំ យើងអាចឃើញតួប្រាសាទមួយដែលនៅសល់តែគ្រឹះ ដែលមិនអាចបញ្ជាក់ប្រាប់ពីប្រវត្តិ ឬរចនាបថបានឡើយ។
No comments:
Post a Comment